Nestas semanas previas, despois da posta a punto inicial da biblioteca, xa abrimos as nosas portas e fixemos unha proposta especial para esta apertura.
A robótica será unha das novidades deste curso, e a vinculamos co noso proxecto de centro, o espazo, e que leva o nome de: ATA O INFINITO E MÁIS ALÓ!
Desa fusión sae o noso panel para o Beebot e Escornabot con tres actividades diferentes sobre o espazo en función do curso: preguntas encadeadas sobre os planetas, descubrimento de diferentes termos do espazo, descubrimento de planetas do sistema solar e lectura de información sobre eles en libros da biblioteca.E ademáis, non podía faltar un vídeo motivador que invita e introduce o noso proxecto. Neste caso da man de Fernando Abilleira, inxeñeiro da NASA, e que enviou un vídeo aos nenos e nenas do noso centro invitando a investigar sobre o espazo.
Aquí tedes algunhas fotos!!
