Formación en robótica

 Formación en robótica coñendo todas as posibilidades da placa MicroBit con Carmela. 

Obradoiro de Nadal coas familias de Ed.Infantil

 Onte foi unha tarde especial no cole. Celebramos o I Obradoiro de Nadal en familia. O alumnado, mestras e familias desfrutamos dunha tarde moi agradable e bonita. Quedamos con ganas de máis! O quedou precioso! 

Show científico con David Ballesteros

 Tivemos unha tarde moi divertida con David Ballesteros e moita ciencia.

AXENCIA DE DETECTIVES

 O alumnado de 4º realizou un proxecto de radio chamado Axencia de detectives no que, por equipos, elixían un tema,investigaban sobre el, realizaban a súa escaleta e despois, gravaban o seu podcast de radio. Foi un proxecto moi enriquecedor!

English Club - November

Hoxe, durante a segunda sesión do noso English Club, os últimos xoves de cada mes, practicamos como formular preguntas e respondelas xogando ó Adiviña quen con personaxes variados. Despois puxémonos cómodas para aprender sobre almorzos en distitnos lugares do mundo, comparándoos cos nosos.

Teatro de sombras no 2º ciclo

 

O alumnado de 3º fixo unt eatro de sombras para o resto do cole. Menudas artistas e menudos artistas! Foi unha marabilla!

Obradoiro de cociña saúdable

Obradoiro de cociña saúdable estacional. Tras o éxito do curso pasado, decidimos repetir e organizamos un obradoiro de cociña saúdable con productos de temprada a cargo de Patricia Paniagua. Foi unha tarde de formación en familia que nos fixo tomar conciencia sobre a nosa alimentación. 

Mes da ciencia en galego 5º e 6º

Durante este mes de novembro festexamos o mes da ciencia en galego na nosa biblioteca. Para iso traballamos por ciclos para ensinar diferentes experimentos.

O primeiro que fixemos foi a acceder a páxina das bibliotecas escolares con toda a información sobre o tema, lemos o manifesto e observamos toda a información que tiña.
Despois o alumnado baixou a biblioteca e elixiu un libro do noso recuncho creado con diferentes libros de ciencia. 

E empregando o traductor de gaio, o dicionario Digalego e o da RAG traduciron o experimento e crearon un documento compartido con todos os experimentos nun DRIVE.  Con esta actividade o obxectivo que buscamos é que sexan autónomos para crear o seu propio contido en galego ampliando o seu vocabulario.

MATERIAL ELABORADO POLO ALUMNADO DE 5º DE PRIMARIA

Para continuar a actividade o alumnado preparou un guión para expoñer os experimentos ao alumnado de 6º de primaria. Cada equipo tiña un experimento preparado e o alumnado de 6º en equipos rotaban por cada experimento cada 15 minutos, ao rematar de pasar por cada experimento tiñan unha plantilla para dar propostas de mellora en base a uns criterios prefixados e que o alumnado xa conecta previamente. Así o alumnado de 5º podía establecer inmediatamente xa que repetían o experimento 6 veces.

Podedes ver o video de todo proceso, esperamos que vos guste!!!

APADRIÑAMENTOS LECTORES

Durante este curso, dous días a semana todos os curso gozan do apadriñamento lector. Creanse vínculos moi bonitos e o alumnado está moi motivado. É unha iniciativa que veu para quedarse. 

Matemáticas Manipulativas

 Para sacarlle o máximo rendemento ao material de Biblioteca Creativa que temos na nosa biblio, o profesorado do centro estivo formándose en matemáticas manipulativas. Encantounos!

Mes da ciencia en galego! en 3º e 4º

 

Como todos os anos, en novembro todos os cursos celebramos o Mes da Ciencia en Galego. Desta volta, fixemos experimentos durante todo o mes organizándonos en quendas para que todos os cursos puideran gozar da maxia da ciencia. De seguro que repetiremos. 

VOLUNTARIOS EN ACCIÓN!

 

Este curso comezamos co voluntariado da biblioteca coas nenas e nenos de 5º de Ed.Primaria. Están aprendendo a facer préstamos e devolucións en Koha, arranxan libros, colocan e ordenan... Pasámolo xenial poñendo a biblio a punto!

AFAGA, XERACIÓNS ACTIVAS I. Como aprendiamos antes e como aprendemos agora?

O alumnado de 4º de Ed.Primaria gozou da primeira xornada deste curso cos usuarios de Cultiva a manete da asociación AFAGA Alzhemeimer dentro o seu proxecto Xeracións Actias que iniciaron o curso pasado. Foi unha xornada moi especial, onde ensinaron ás xentes de antes como se aprende agora e onde aprenderon como era a escola no pasado. 

CLUBE DE XOGOS DE MESA

Durante este curso 23-24, partindo do éxito que tivo o curso pasado a xornada de xogos de mesa que organizamos desde a biblioteca, creamos o que chamamos CLUBE DE XOGOS DE MESA. 

Unha vez ao mes, reunimos na biblioteca, unha tarde, profes, alumnado e familias para... XOGAR! Pasámolo xenial! 

SAMAÍN NO COLE!

Durante a semana do Samaín, realizáronse diferentes actividades para coñecer a nosa cultura nesta festa: exposición de cabazas, lecturas, xogos, murais... Rematamos o día 31 con disfraces e celebrando todas as clases xuntas na biblioteca un pequeno festival, mesturando a nosa festa co Halloween. Pasámolo en grande!

Axencia de Detectives - Dragón de komodo

E xa chegou o segundo programa da Axencia de detectives. Desta ez, o alumnado de 4º investigou sobre o dragón de komodo. 

Encántanos gravar na nosa radio! Non vos perdades o final!

 

Vémonos no próximo programa!

BOOKFLIX

 

Axencia de Detectives - II Guerra Mundial

 

O alumnado de 4º de Educación Primaria emite durante este curso o seu primeiro programa de radio "Axencia de detectives". As nenas e nenos escollen un tema, investigan sobre el, elaboran unha escaleta e despois...1,2,3, a gravar! Neste primeiro programa o tema investigado foi a II Guerra Mundial e este foi o resultado.

 

Vémonos no próximo programa!

CONSTELACIÓN LITERARIA DE 5º E 6º DE PRIMARIA

 

CONSTELACION de Nuria

Durante este ano o alumnado de 5º e 6º formará a súa constelación sobre os ODS. Os mestres elaboramos esta proposta relacionada con cada un dos ODS, pero o alumnado poderá añadir os seus propios libros sobre o tema e ir creando constelacións propias e diferentes. 

Unha vez lean un libro terán que facer unha reseña, selar e encher o seu pasaporte.  Ademais, iremos facendo un "ranking" sobre os libros máis lidos.

  

Los más leídos de Óscar Ferreira

BEA CAMPOS!

 No marco do III Congreso EducaODS contamos coa sorte de ter a Bea Campos. Actriz, narradora, presentadora e, como di ela, improvisadora. Desfrutamos moito do seu espectáculo "Contacontos sobre a igualdade".

Encantaríanos repetir!

En busca das herbas do San Xoán!

 Para rematar as xornadas coas nos familias deentro do ciclo de actividades relacionadas coa horta, fixemos unha derradeira sesión, desta vez, como peche do proxecto relacionado co libro "As setes herbas máxicas" que temos na nosa biblio. Foi unha mañá de tradición, convivencia e cultura, achegando aos máis pequenos as costumes centenerais do San Xoán. 

Lavar a cara coa auga do San Xoán despois dunha mañá de recollida das herbas que a compoñen, espanta as meigas e enchénos de boa enerxía.

Repetiremos! 

ECOPERCUSIÓN

o alumnado do segundo e terceiro ciclo disfrutou dunha xornada con moita ritmo e coordinación preparando a súa actuación para a xornada inaugural, en horario de tarde, do III Congreeso EducaODS.

 

COMUNIDADE FREAK

 Este curso, no ámbito STEAM, demos renda solta a nosa creatividade e fixemos unhas creacións textiles impresionantes. Repetiremos seguro!

    

 

 

COCIÑA SAÚDABLE

 A experta en cociña creativa Patricia Paniagua Mateos fixo que desfrutaramos dunha tarde chea de cociña, produtos de tempada e creatividade coas nosas familias.