Aproveitando que chega o nadal e antes de rematar o trimestre preparamos unha sesión de xogos de mesa para as familias. Así que a tarde do 13 de decembro xuntámonos 50 persoas (nais, pais, avós, nenas e nenos) para aprender a xogar a diferentes xogos de mesa e coñecer o seu valor didáctico.
Foi unha tarde estupenda, para repetir!!!
No mes de novembro celebramos o mes da ciencia en galego. Dende a nosa biblio organizamos un recuncho con materiais e libros de ciencia e compartimos os recursos dixitais relacionados coa ciencia en galego.
Cada mércores do mes de novembro cada ciclo organizou uns shows científicos para compartir co resto da comunidade educativa, a primeira actuación foi representada polo alumnado de 5º e 6º de primaria que ademais desta actuación de ciencia encargáronse da lectura do manifesto e de explicar que era Ángel Carracedo.
Este ano, como xa é tradición, volvemos celebrar o Samaín. Comezamos por achegarnos a esta tradición de orixe celta da man dun contacontos que nos presentou a mestra Ana Ruth.Ademais, fixemos unha exposición de cabazas que se sitou na entrada da escola. Queremos mostrárvola tamén por aquí, para que non vola perdades.Foi unha experiencia moi divertida que culminou coa visita ó túnel de Samaín / Halloween que o equipo de plurilingüismo preparou co gallo de dita efeméride. Unha experiencia multicultural, translingual e, sobre todo, moi divertida! Agardamos que a gocedes tanto coma nos.
Ademais, co gallo da chegada da semana do Samaín queremos compartir convosco algunhas cancións que nos acompañarán durante esta semana.
Agardamos que as gocedes.
As caras da nosa rapaza o din todo!!!
Durante a semana do Samain en colaboración co equipo de dinamización da lingua galega organizamos apadriñamentos lectores por grupos, os máis maiores do cole representaron diferentes obras sobre a temática para os máis cativos.
O 24 de outubro inauguramos a nosa biblioteca despois de repensar e organizar os novos espazos e recursos. Ese día contamos cun espazo de micro aberto para contar e compartir relatos de distintas temáticas.
O 18 de outubro realizamos a primeira reunión cas persoas de 5º e 6º de primaria que querían axudar durante os recreos na biblioteca. Fixemos unha acta cos puntos a tratar, establecemos quendas e as mestras Antía e Ana explicaron a organización da biblioteca.
Remata o cole e a biblio nos trae unha serie de recomendacións de xogos e libros para o verán. Pero non so hai estas, podedes atopar moitísimas máis na biblio municipal, nas librarías, compartindo cos vosos amigxs...!!!! Animádevos a seguir lendo no verán!!!!!
Esta semana celebramos o II Congreso ODS dende o 14 ao 17 de xuño. Como novidade este curso tivemos as visitas das familias pero tamén doutros centros da zona.
Este foi o cartel e vídeo de invitación:
