.jpeg)
O alumnado de 5º e 6º de primaria está a participar nunha actividade tan especial como enriquecedora: a preparación de almorzos para os peregrinos que pasan pola nosa localidade no Camiño de Santiago.
Esta iniciativa, ademais de promover valores como a solidariedade e a hospitalidade, permite aos estudantes poñer en práctica habilidades de organización e traballo en equipo. Cada detalle, desde a preparación dos alimentos ata o acollemento dos peregrinos, convértese nunha aprendizaxe significativa que conecta a nosa escola coa comunidade e cunha tradición tan relevante como o Camiño.
Estamos moi orgullosos de ver como o noso alumnado se implica e aporta o seu gran de area nesta experiencia única que enriquece tanto a quen dá como a quen recibe.